Próximas actuacións no 2016 |
Sábado, 4 de xuño. Castelo dos Andrade, Pontedeume (noite) Sábado, 16 de xullo. Festa do Carme na Pobra do Caramiñal (noite) Domingo, 24 de xullo. Festival Folk da Fraga nas Pontes de García Rodríguez (noite) Domingo, 31 de xullo. Berres, A Estrada (noite) |
|
|||||
| A Requinta da Laxeira presentou o novo disco, Maise O grupo de requinteiros estreou o segundo disco, Maise, cunha actuación na compostelá Sala Capitol o 8 de xuño de 2013.  O primeiro disco,'Vai de baranda', lanzouse en 2010 A Requinta da Laxeira vai de baranda, chunda, chunda, de aquí para acolá, unhas veces preto e outras máis lonxe… sempre con brincos, voltas, aleghría… fiel reflexo da savia nova. A Asociación Cultural San Campio é o berce e acubillo deste grupo que comeza a súa andaina alá polo ano 2004.
A comarca da Ulla e as súas xentes representan as sementes que fan agromar en cada unha das súas actuacións as músicas e os cantares dun tempo, e mailo imprescindible ¡arrecendo a festa rachada! A requinta, instrumento característico desta zona e que tamén lle dá nome á formación, é a anfitriona de muiñeiras, pasodobres, xotas, rumbas… que convidan a botar unha baila tanto ó solto como ó agharradiño. ¡Viva a ghaita, as ghaiteiras e os ghaiteiros, viva a requinta, as requinteiras e os requinteiros, viva a festa e vivan as festeiras e os festeiros! ¡Aturuxos… foghetes ó aire… pum… pum… pum! A Requinta da Laxeira… ¡VAI DE BARANDA!
|
